Ресторан за свадби „Везилка“ (ентериер)
Архитектот имаше целосна слобода во изразувањето на своите идеи, така што во координација со изведувачот-инвеститор беше осмислен целосниот изглед на овој простор за настани, вклучувајќи ги називот и логото. Инспирацијата при дизајнирањето на овој простор е од традиционалниот македонски вез во модернизирана варијанта. Логото е прикажано најдраматично на подот на подиумот, со тоа што е вградено од гранит и од мермер. Остатокот од подот е направен од дискретни модули од кршен гранит и мермер вметнати во бетонска ризла. Особено внимание е посветено на дизајнот на тоалетите тргнувајќи од подните плочки, кои асоцираат на македонскиот вез, до осветлувањето, кое е највпечатливо во женските тоалети. Приватниот простор за невеста е со одвоен пристап и е во бела боја со розови детали.
Во помалиот ресторан во објектот на централниот ѕид рачно е испишан од професионален калиграф еден стих од песната Везилка од Блаже Конески.
Автор
- Елена Мартиновска, Дипл.инж.арх.
Фотографија
- Андријана Тилиќ
Локација
- Бул.Борис Трајковски бр.147 Скопје
Интернет адреса
- www.vezilka.com
Година
- 2014