Хостел Хај Скопје

Објектот „Hi Skopje Hostel“ се наоѓа во скопската населба Водно и се простира на зелена површина од 600 квадратни метри. Концептот на ентериерот се базира на четирите елементи:

Земја – кафеава и зелена боја во осумкреветните соби, кои се наоѓаат на најниското ниво на објектот.

Вода – темносина боја во шесткреветната соба, која се наоѓа во средното ниво на објектот.

Воздух – светлосина боја комбинирана со жолта како симболи на небото и сонцето во двете приватни двокреветни соби, кои се наоѓаат на највисокото ниво на објектот.

Оган – со портокалова боја со црвени детали е обоена рецепцијата заедно со дневниот престој, кој е заеднички за сите гости и каде што е сместен каминот.