Mеѓународна компанија за образование и сертификација Цертиадриа

Концептот на дизајнот на просториите на Цертиадриа е да се развие приказна во бои, почнувајќи од училниците, сина, зелена и црвена, кон канцелариите во сиво сини и сиво зелени. Бојата воглавно е имлементирана на винилните подлоги на подот и се развива нагоре на ѕидовите. Просторот кај влезот е дизајниран со сите бои од сите простории што симболизира дека тоа е делот за дружење и комуникација на вработените и постетителите.

Многу важно е дека е задржан стариот гранитен под кој постои од градењето на објектот пред неколку децении. Истиот се простира од влезот кон задниот дел од објектот. Исто така ѕидот којшто ги заобиколува санитариите е обоен со црн латекс за да би дал контраст на колоритот одоколу. На истиот од страната на рецепцијата е поставено логото на Семос едукација во поларни лишаи-мов, а логоата на Цертиадриа и Клиар Вју се испринтани на рецепцијата која се наоѓа централно во холот.  Најголем акцент е ставен на токму на овој простор, како и на миндерот за седење и работење на лаптоп.  Во овој дел е задржан и бетонскиот плафон, а како на секој проект и овде Метатет студио посвети особено внимание на акустиката, електриката, машинството и осветлувањето на просторот.