Програмерска компанија „Кодарт“

Дизајнот на ентериерот за Кодарт произлезе од нивниот пристап кон работата како кон релаксација и уживање. Просторот се простира на три нивоа.
Приземното е заедничкиот простор за опуштање, за јадење, за играње пинг-понг, видео игри и други друштвени игри. Затоа на ова ниво се користени пастелни бои како сина, зелена и жолта кои се имплементирани на под, ѕид и плафон.
Средното ниво е за работа кадешто употребивме малку посмирени бои, како не би им одвлекувале внимание од работата. На најголемиот ѕид е поставено логото во препариран мов што се надоврзува на остатокот од зеленилото во сите простории.
На поткровјето се просториите за состаноци и делумно за работа кадешто има ѕидови од цигла кои се задржани од постоечкиот објект.
Како на сите објекти, така и во Кодарт обрнавме внимание на осветлувањето особено на приземјето што го направи просторот уникатен како што доликува на компанија како оваа.
Беше вистинко задоволство да се работи во толку релаксирана атмосфера.