Стан бр. 25

Ова е еден од ретките дизајни на ентериер во индустриски стил на Метатет студио. Тргнувајќи од ведриот дух на младата двојка во чијашто сопственост ќе биде овој простор, и водејќи се заедно во целиот процес на дизајнирање, се роди ова катче за заеднички боравок и дружење на нивното младо и динамично друштво.
Користени се материјали како железо, цигла, жлебан медијапан и други, коишто го дефинираат индустрискиот стил, а просторот е надополнет со поп арт постери, ретро елементи како звучници, грамофон и фотеља со дизајн од седумдесетите што го прават уште попријатен амбиентот на целиот дневен престој. Кујната со плочките редени како рибина коска и со изборот на тиркизната боја во долната зона, додатно го освежуваат просторот воедно задоволувајќи ги сите функции.
Ни беше задоволство да бидеме дел од процесот на дизајн на овој приватен простор.